انقل عفشك من غير قلق من الكسر أو الخدوش أو الدور العالي
شركة المقدم لنقل الأثاث بتنظّم لك النقلة كلها داخل القاهرة والجيزة: فك وتغليف، تحميل في عربية مقفولة، وتركيب وترتيب في بيتك الجديد.
خدمات نقل الأثاث في شركة المقدم
قبل أي نقلة بنراجع معاك نوع المنقولات وعددها، ونحدد إذا كانت محتاجة فك وتركيب أو تغليف أو ونش.
فك وتركيب الأثاث
بنفك غرف النوم والأنتريهات والدواليب والمطابخ والستائر والنجف، ونركّبها في المكان الجديد. كل قطعة بتتعلّم، والمسامير بتتحط في أكياس منفصلة.
تغليف العفش
كرتون واسترتش وبابل وخامات حماية تناسب كل قطعة، خصوصًا الزجاج والنيش والأجهزة. والحاجات الصغيرة في كراتين عليها اسم الأوضة.
ونش رفع الأثاث
لو السلم ضيق أو الدور عالي، بننسّق لك ونش رفع الأثاث حسب موقع العمارة وطبيعة الشارع، عشان القطع الكبيرة تطلع وتنزل من غير خبط.
عربيات نقل مقفولة
حجم العربية بيتحدد حسب كمية العفش والمسافة. وبنرتب التحميل بحيث القطع تفضل ثابتة طول الطريق.
عمالة مدربة
فريق متخصص في شيل العفش وتنزيله وترتيبه جوه العربية، وبيتعامل مع الأجهزة والقطع التقيلة بحرص.
نقل بين المحافظات
بننسّق نقل العفش من القاهرة والجيزة لأي محافظة تانية بعد ما نعرف العناوين وحجم المنقولات.
إزاي بننظّم نقل العفش؟
4 خطوات واضحة من أول مكالمة لحد ما العفش يترتب في مكانه.
التواصل
كلمنا وقول لنا العنوانين والدور وعدد الأوض أو القطع الأساسية.
تحديد الخدمات
نتفق على المطلوب: فك وتركيب، تغليف، ونش، أو كلهم.
الميعاد والخطة
نحدد يوم النقل وخطة التحميل وحجم العربية.
التنفيذ
الفريق ينقل العفش ويركّبه ويرتبه في البيت الجديد.
عايز تعرف تكلفة نقلتك؟
ابعت لنا العنوانين والدور وعدد القطع، أو استخدم صفحة احصل على التكاليف.
إزاي بيتحسب سعر نقل الأثاث؟
مفيش سعر واحد لكل النقلات. كل ما توضح التفاصيل دي من الأول، السعر يبقى أدق ومن غير مفاجآت يوم النقل.
عدد القطع والأوض
حجم العفش هو أول حاجة بتحدد حجم العربية وعدد العمال.
الدور والأسانسير
الدور في العنوانين، وهل فيه أسانسير أو محتاج ونش.
المسافة
المسافة بين مكان التحميل ومكان التسليم.
الخدمات الإضافية
الفك والتركيب والتغليف والونش حسب احتياجك.
نصائح قبل يوم نقل العفش
شوية تجهيزات بسيطة بتخلي النقلة أسرع وأسهل.
- تخلّص من اللي مش محتاجه: كل قطعة زيادة بتزود حجم العربية والوقت.
- اسأل عن الأسانسير والتصاريح: بعض العمارات والكمبوندات بتطلب إذن دخول أو ميعاد محدد. بلغنا بيه بدري.
- جهّز شنطة الحاجات المهمة: الأوراق والفلوس والدهب والأدوية والشواحن خليها معاك.
- فصّل الأجهزة قبلها بيوم: الثلاجة والديب فريزر محتاجين يتفصلوا وينشفوا قبل النقل.
- صوّر توصيلات الأجهزة: صورة لتوصيلات التلفزيون والراوتر بتسهّل التركيب.
- اكتب على الكراتين: اسم الأوضة على كل كرتونة بيوفر وقت الترتيب.
نقل أثاث داخل القاهرة والجيزة وبين المحافظات
بنخدم العملاء في مناطق القاهرة والجيزة، وممكن ننسّق نقل العفش من القاهرة لأي محافظة تانية بعد ما نعرف العناوين وحجم المنقولات. النقل بين المحافظات بيتخطط له مسبقًا عشان نحدد العربية المناسبة وميعاد الوصول.
ليه تختار شركة المقدم؟
- خدمة متكاملة من الفك والتغليف لحد التركيب والترتيب.
- خامات تغليف مناسبة لكل نوع من القطع.
- ونش للأدوار العالية والسلالم الضيقة.
- عربيات مقفولة بأحجام مختلفة.
- اتفاق واضح على الخدمات والميعاد قبل يوم النقل.
- نقل داخل القاهرة والجيزة وبين المحافظات.
أسئلة شائعة عن نقل العفش
اضغط على السؤال عشان تشوف الإجابة.
هل بتفكوا وتركبوا الأثاث؟
أيوه، بنفك ونركب غرف النوم والدواليب والأنتريهات والمطابخ والستائر والنجف حسب احتياجك.
محتاج ونش ولا النقل على السلم يكفي؟
بيعتمد على الدور وعرض السلم وحجم القطع. قول لنا التفاصيل دي وإحنا نقترح عليك الأنسب.
بتنقلوا من القاهرة للمحافظات؟
أيوه، بننسّق النقل بين المحافظات بعد ما نعرف العناوين وحجم العفش.
أعرف السعر إزاي؟
اتصل بينا أو ابعت واتساب وقول لنا العنوانين والدور وعدد القطع والخدمات اللي محتاجها، وهنديك تكلفة مبدئية.
أحجز قبل الميعاد بكام يوم؟
يفضّل تحجز بدري، خصوصًا في أول الشهر وفي مواسم الجواز، عشان تلاقي الميعاد اللي يناسبك.
تواصل مع شركة المقدم لنقل الأثاث
للحجز أو الاستفسار، كلمنا أو ابعت واتساب على نفس الأرقام:
هل بتوفروا عمال تغليف ولا لازم أجهز الحاجة قبل ما تيجوا؟
أهلاً أستاذ محمود ✅
إحنا بنوفر فريق تغليف كامل بيغلف كل حاجة قبل النقل،
بمواد خاصة تحمي الأثاث من الكسر أو الخدوش.
أنا عندي فرش عروسة وعايزة أعرف لو ممكن يتنقل في نفس اليوم؟
مبروك يا أستاذة ندى ❤️
أكيد ممكن، عندنا فريق جاهز للنقل السريع للعرايس مع تغليف كامل وآمن.
هل ممكن تنقلوا من القاهرة لطنطا؟ ولا بس داخل القاهرة؟
بنخدم كل محافظات مصر يا أستاذ محمد
تقدر تبلغنا بالمكانين وهنديك السعر حسب المسافة وعدد القطع.
هل بتغلفوا الأجهزة الكهربائية زي الغسالة والتلفزيون؟
أكيد طبعاً
بنوفر تغليف خاص للأجهزة باستخدام خامات عازلة ضد الصدمات والمياه.
أنا محتاج أنقل أوضتين من التجمع للهرم، هل ينفع بدون شقة كاملة؟
طبعاً يا أستاذ وليد ✅
عندنا خدمة نقل جزئي لأي كمية عفش سواء أوضتين أو حتى كراتين بسيطة.
هل عندكم نقل مع فك وتركيب المطبخ والنجف؟
أكيد يا أستاذ خالد
فريقنا بيشمل نجارين وكهربائية متخصصين في الفك والتركيب لأي قطعة.
أنا عندي عفش شقة صغيرة في المعادي، ممكن أعرف الأسعار تقريبًا؟
أهلاً وسهلاً أستاذة شيماء
الأسعار بتتحدد حسب عدد القطع والدور والعنوان،
ابعتيلنا التفاصيل على واتساب وهنحسبلك عرض دقيق ومناسب.
أنا عايزة أنقل عفشي من مصر الجديدة لمدينة نصر، ينفع تحددولي ميعاد في نفس اليوم؟
أهلاً أستاذة آية
أكيد متاح، فريقنا يقدر يجي المعاينة خلال نفس اليوم أو بكرة الصبح.
اتصلي بينا على 01153089818 لتأكيد الميعاد
كنت عايزة أعرف تفاصيل عن فرش عروسة كامل، عبارة عن غسالة وثلاجة وبوتجاز وسجاد وأدوات مطبخ وكراتين صيني وشوية كراتين فيها رفايع؟
أهلاً وسهلاً أستاذة مروة
بنشرف بخدمتكم، فرش العروسة ليه باقات مختلفة حسب عدد القطع والمسافة.
بنقدمك خدمة نقل وتغليف وتأمين شامل على كل الأغراض، ومعانا فريق متخصص للتغليف والفك والتركيب.
ياريت تبعتي العنوان بالتفصيل على الخاص أو واتساب